Thawhlehni atang hian Mizo badminton coach 10-te chu Kotak Pullela Gopichand Badminton Academy (KPGBA)-ah training neiin an awm mek.

Mizo coach-te hian Thawhlehni khan an training-na hmun tur, Hyderabad, Telengana an thleng a. Training hi Mizoram Badminton Association (MBA), Tata Trusts (NEIDA) leh KPGBA-te thawhona thuthlung hnuaia neih a niin senso pawh KPGBA leh Tata Trusts (NEIDA) hian an tumsak vek a ni.

Training hi Badminton Coach (Level 1 Certificate) a ni a, MBA chuan training-a kalte hi duhsakna an hlan tih an sawi.

Tun hma lam pawhin thawhhona thuthlung hnuaiah Mizo player leh coach eng emaw zat KPGBA-ah hian training an lo kal tawh thin a. Tuna awm mek pawh player an awm nual bawk.

KPGBA-a coach training neia kalte:

1. Zothansanga, Champhai Vengthlang

2. K. Lalruatdika, Theiriat, Lunglei

3. Abraham Lalrempuia, Saitual

4. Zomuansanga, Dawrpui Vengthar, Aizawl

5. Vanlalmawipuia, Lungdai

6. K. Andrew Beimohpatha, Meisavaih E, Siaha

7. C. S Lalrongura, Champhai

8. Henry Lalmalsawma, Salem Veng, Aizawl

9. Alex Vanlalruata, ITI, Aizawl

10. H. Zohmangaiha, Chanmari West, Aizawl