A hun laia a lar zia hre pha chin chu an lung a leng ve ngei ang - hun eng emaw chen hnuah Karizma model thar a rawn chhuak leh dawn ta e. Karizma ZMR hnuah khan model thar hmuh tur a awm zui mai lo a, tunah erawh XMR an rawn chhawp chhuak leh dawn ta rup mai. 

Karizma hi a hun laia bike lar leh hralh kal ber zinga mi a ni a, music video leh film velahte pawh an vawrh lar thin hle a nih kha. A tlo zual deuhte chuan khalh tur la nei mah se, a model a hlui ve deuh tawh avangin thar tha veng vawng hmuh tur a awm tawh lo. Mi tam tak ngainat erawh a la hlawh reng a, XMR lo chhuak tur pawh hian ngaihven a hlawh lo thei lo. 

Hero MotoCorp chuan tun hnai khan XMR hi dealer event-ah an pholang a, kuminah tlangzarh an tum. XMR hi Pulsar 250 leh Gixxer 250 te elpha tura ngaih a ni a, a rawn khum viau mai thei bawk. Karizma model thar hian 210cc liquid-cooled engine a rawn hmang dawn a, 6-speed gearbox a ni dawn bawk. Sleek headlamp, dual-tone fuel tank, Bluetooth connectivity leh thil thar eng emaw zat a rawn keng tel tura ngaih a ni - disc brake a ni dawn bawk. 

Hero Karizma XMR 210cc hi kumin November-ah tlangzarh a ni dawn a, Rs. 1,60,000 atanga Rs. 1,80,000 man inkar vel ni tura ngaih a ni.