Yemen hel pawl ten missile hmangin intlansiakna hmun tur kiang lawk an bei a, an tlan dawn nge dawn lo tih mipuiin an ngaihven em em a, ruahman lawk angin Saudi Arabian Grand Prix chu neih niin tluang taka zawh a ni. He intlansiakah hian Max Verstappen chu pakhatna niin point 25 a hmu a, a elpui ber Hamilton-a chu 10-naah thlengin point 1 chiah a hlawh chhuak. 

Saudi Arabian GP hi Jeddah hel pawl te beihna vangin an ralkhel hman hle a, thulh thut theia an din laiin Grand Prix chu kaltlangpui niin ralmuang taka zawh fel a ni. 

Intlansiakah hian Red Bull driver Sergio Perez leh Charles Leclerc, Ferrari khalhtu ten hma an inhruai chhawk zak zak hnuah lap 42-naah Red Bull driver Verstappen rawn langin hma a rawn hruai zuai a, Leclerc-a'n rawn lehpel veleh zuai mah se a tawpah Verstappen chu a dingchang ta tho. 

Carlos Sainz Jr chu pathumna niin S. Perez chu pali naah a awm. Champion tura rinkai leh driver ropui qualifying round-a chesual vanga 15-na atanga bul tan Lewis Hamilton chu 10-na a ni phak hram. 

Position, driver leh an point hmuh dan            

Pos      Driver          Pts    

1    M. Verstappen    25    
    Red Bull

2    C. Leclerc            19
    Ferrari
    
3    C. Sainz Jr.          15
    Ferrari
    
4    S. Pérez               12
    Red Bull
    
5    G. Russell            10
    Mercedes

6    E. Ocon                8
    Alpine

7    L. Norris              6
    McLaren
    
8    P. Gasly              4
    AlphaTauri
    
9    K. Magnussen    2
    Haas
        
10    L. Hamilton     1
    Mercedes