Henz leh SaiWanah te music video thar 'Aw Nem' chu YK official YouTube channel-ah upload a ni ta. He music video-ah hian tun laia lar em em Omomi Khiangte pawh a lang a, model hmeltha leh piannalh tak mai Mary Dawngi an hmang. 

He music video atan hian designer thiam takin suit a thui sak liau liau an hmang a, makeup artist-in mawi takin an chei bawk a ni. Restaurant changkang tak leh garage floor khat tawp hawh a ni bawk a, videographer hian story telling deuhin mawi takin a chhuah a ni.

YK te hian Mizoram tour an nei mek a, artist tharte contract sign puina an nei mek - artist tha tak tan chuan anni hi ngaihven chi an ni ang. An artist te hi Mizoram tour pui mai bakah state pawnah concert buatsaih a ni dawn a, music video, vocal lesson, dancing lesson, fitness leh artist tha tak ni tura tangkai zirtir an ni zel dawn bawk!

YK te hian Mizoram tan tha an lo thawh hnem tawh a, Vanlalsailova, Joseph Zaihmingthanga, Roberta leh ZTA te nen singing competition pui tak buaitsaihin entertainment khawvelah bul an tan. Kum khat chhung lekin drawing competition, rap contest vawi hnih, game tournament pui tak leh contest neuh neuh hlawhtling takin an  buaitsaih tawh a ni. Comedian Search 202-ah pawh main sponsore tur an ni dawn a, a hmasa pawh khan Co-sponsore an ni tawh bawk a ni.

Nikum khan Tlau Entertainment buatsaih Mizo Film Award an lo sponsore tawh bawk a, sport team neuh neuh sponsore an nei nual bawk. MZI Award, FTH Night, 72 Questions, G'nie team (G'nie vs Papuia) leh show hrang hrang an lo sponsore tawh a ni. Tunah hian rimawi lamah insawr bing tumin hma an la chho mek.