Generation Alpha leh Heritage te tangkawpin an buatsaih Heritage Award 'Men of Excellence 2022' April 22, Zirtawpni zan khan sem a ni. Award semna hun hi Heritage Hub, Falkland-ah neih a ni a, mi 16 hnenah chawimawina hlan an ni. 

Heritage Award hi kawng hrang hranga Mizo mipa chhuanawmte leh danglamna thlentute hnenah hlan a ni a, Mizo hmeichhia chhuanawm tak takte chawimawina hun an lo buatsaih tawh bawk. Tun tuna award an hlan mi 16 zinga pali hi chu vanduai thlak takin an boral tawh a, an hnathawh ropui tak takte erawh hriat reng a ni tawh ang. 

Award ceremony hi Angelina Paul chuan hneh takin a kaihruai a, Capt. Benjamin Lalhmingmawia, Zemabawk Bialtu Commanding Officer (C.O) chuan hunserh a hmang. Meriam L. Hrangchal chuan inlawmna leh Earth Day chuchang sawiin,  Chaltlang Corps Band ten rimawi hmangin kalkhawmte an awi bawk. 

Heritage dintu Ruth L. Hrangchal chuan, "Mizote hi inchawimawi hnam kan ni tih hi khawvel mithmuha lantir zel kan tum a ni," a ti. Mizo society-a mipate dinhmun pawimawhna chu Senior Club Mizoram President C. Lalrinliana chuan ngaihnawm taka sawiin; Aizawl Bishop, Most Rev. Stephen Rotluanga CSC, DD chuan Malsawmin inkhawm hi a tin a ni.

Award latute 
1. V. Thanga 
2. Sainghinga
3. Chawngkhupa
4. Rev. C. Chanchinmawia
5. Commissioner Lalkiamlova
6. Rev. Vanlalbela
7. Rev. Dr. Lalchungnunga
8. Most Rev. Stephen Rotluanga 
9. Rev. H. Lengluta
10. Rev. R. Lalrinsanga
11. Lieut. Colonel Lalramhluna
12. Rev. Ngurthanpara Sailo
13. Rev. T.C Laltlawmlova
14. Major J. Thanruma
15. Dr. Vansanglura
16. K. Lalngaihawma