French professional footballer Lucas Hernandez chu Cristiano Ronaldo bialnu hlui Cristina Buccino nen an in 'date' tih khawthlang media ten an tarlang. Bayern Munich star Hernandez hian amah aia kum 10 laia upa a chhai tihna a nih chu!

Kum 27 mi Hernandez hi a nupui nen an inthen a, model Buccino lam hi a hawi nghal chat. Cristina Buccino hi kum 37 mi lai a ni tawh a, a la chhe lo zek zek hle thung. Real Madrid leh Manchester United player ropui Cristiano nen eng emaw hun eng emaw ti lai khan an in 'date' a, mahse an inzui rei vak lo thung. 

Buccino hian Ronaldo nen an intawn dan hi a lo sawi chhuak tawh nghe nghe a, Ronaldo hian an vawi khat inhmuhnaah zanriah kilpuiah a lo sawm zan a ni awm e. Hetiang khawpa mipate mit fukna a nih avang hian 'date' tur a haichham lo hle a, nupui then hlim Hernandez pawh Buccino tawnah chuan tui angin a nem duai duai a ni ber mai.