Mipui nghahhlelh em em Hero Karizma XMR chu India ramah tlangzarh a ni ta - Mizoramah pawh October velah chuan lei tur a awm tawh beisei a ni. Hero MotoCorp model chhuan vawr Karizma XMR hi 210cc niin, Rs. 1.73 lakhs (ex-showroom) man a ni - Rs. 3,000 in booking a tih theih. XMR hi rawng chi thum - a dum, a eng leh a sen te duhthlan tur a awm. 

Karizma bike ngainatu ten XMR hi an nghakhlel hle a, tlangzarh a ni ta hi a lawmawm hle. Karizma XMR 210cc hi Yamaha R15 V4 (Rs 1.81 lakhs) leh Suzuki Gixxer SF 250 (Rs. 1.92 lakhs) te nen inel tawk viau tura ngaih a ni. 

Karizma XMR hi Hero MotoCorp chuan dealer event-ah an lo phochhuak tawh a, 210cc liquid-cooled engine a rawn hmang - 6 speed gearbox a ni bawk. Sleek headlamp, dual-tone fuel tank, bluetooth connectivity leh thil thar eng emaw zat a rawn keng tel a ni.