“Hero Tiranga Trails with Assam Rifles” ride nei mek

ZALEN Feb 25, 2026: Central Home Ministry hmalakna in Heromotocorp leh Assam Rifles tangkawp chuan “Hero Tiranga Trails with Assam Rifles” ride an nei mek. 

He ride hian North East huam chhunga Indo-Myanmar Border a tuam dawn a. Hero Tiranga Trails hi February ni 18, 2026 khan tan a ni a, Pangsau Pass,Arunachal Pradesh atanga tlan tan niin February ni 25, 2026 (Nilaini) ah Aizawl an rawn lut.

February ni 25, 2026 hian Amawii Hero, Bawngkawn Lunglei Road ten lo dawngsawngin rider te leh Heromotocorp officials te nen hun an hmang a. He hunah hian Assam Rifles Major Bharat leh a hote bakah HL Risanga, Wing commander (retd.) Indian Air Force in a telpui. Amawii Hero Showroom atang hian rider te hi Flag Off leh niin February ni 26, 2026 hian Zochachhuah lam pan leh tura beisei an ni.

Hero Tiranga Trails with Assam Rifles “Sentinels of North East Ride” hian Drug abuse chungchang thu ken neiin, an kalna hmun hrang hrang ah hemi chungchang awareness thehdarhna hun an hmang thin a. Hemi mai bakah hian Hmar-chhak state zawng zawnga ralmuanna awm theih dan tur thu ken an nei bawk a ni.

#ZalenNews