ZALEN Jan 27, 2026: Excise & Narcotics Department leh Central Anti Drugs Squad (CADS) te thawk dun chuan Heroin gram 193 an man.

Nimin January ni 26, 2026, chawhnu dar 2:15 khan Mizoram Excise & Narcotics Department leh Central Anti Drugs Squad (CADS) te thawk dun chuan Zemabawk Berawlui Tawngtai Mual thlangah Heroin gram 193 an man a. He heroin neitu nia puh mi pathum - Lallianmawia (37) S/o Tuanliana, Champhai Kanan, Nikang Venga khawsa nia inchhal; Vanbiakhnemi (49) W/o Lallianmawia,Champhai Kanan, Nikang Venga khawsa nia inchhal leh Zarzoliana @ Gosa (31) S/o Chungnunga (L), Thuampui Camp Veng-a khawsa nia inchhal te chu an man a. Ruihhlo phurhna atana hman SML Truck pawh hrensak nghal an ni.

Heng Heroin man sak te hi The Narcotic Drugs & Psychotropic Substances Act, 1985 (NDPS Act) hmangin thubuai siamsak an ni a, Court-ah hruai nghal an ni. 🌟👍💪