Mizoram Excise & Narcotics Department te chuan Zirtawp tlai khan Zuangtui Selesih Road-ah Heroin hawng 21 (gram 266) leh a neitu a puh mi 3- Pauchinlam (35) Saigang, Myanmar tuna Bawngkawna khawsa mek, Khaikhanlian (56) Chhuanpi, Tiddim Dist., Myanmar leh Liankhatpiang (57) Tuitawh, Tiddim Dist., Myanmar nia inchhalte chu an man a. An thilman hlutzawng hi Rs. 9,45,000 man hu a ni. Nimin zing khan Central YMA hnuaia ruihhlo dotu pawl SRS te chuan Hunthar veng Aizawl leh Aizawl Bazarpui-ah Heroin hawng 6 leh a neitu a puh te an man. SRS te ruihhlo man hi Rs. 270000 hu a chhut a ni.