ZALEN September 17, 2025 : Ruihhlo leh dan phal loh thil dapa hma an laknaah Assam Rifles te chuan nimin khan Zokhawthar-ah Heroin No-4 Kg 2.462 a rit chu an man a, an thil man hlut zawng hi vaibelchhe 20.10 man nia chhut a ni.

Thu an dawn bawhzuiin ruihhlo man tum hian Thingluang Kai, Melbuk road-ah beihpui an thlak a, beihpui an thlak lai hian an mi rinhlelh pakhat chu Tiau lui a lo kan mek a, pakhat chuan a kamah a lo nghak a. Hetihlai tak hian chet an la nghal a, an mi rinhlelh te hi Myanmar lamah a thil ken hnuchhiahin an let nghal avangin an man hman lo.

Assam Rifles lam hian rang taka chet an lak zarah Heroin No-4 tam tham tak hi an man nghal a, he an ruihhlo man leh hemi hnamhnawia hman lirthei chu Police Department, Zokhawthar te kutah an hlan a ni.