Aizawl: Zirlai naupang tleirawl kum 16 mi lek ni mah se SRS te’n No. 4 laka inhnamhawih list-ah an dah a, rinhlelh a nih ang ngeiin a tiffin chhungah No. 4 eng emaw zat mansak a ni a, he tleirawlte hi chhungkaw pangngai tak atanga seilian No.4 laka in hnamhnawih lo tura ngaih a ni thung. SRS hotute hnen atanga Zalen thudawn danin tunhnai chho hian Aizawl khawpui chhungah zirlai naupang, kum naupang tak tak No. 4 ti thar leh a zawrhna kawnga inhnamhnawih an tam hle a. Heng kum naupang tak tak No.4 zawrhna kawnga in hnamhnawihte hi No.4 zuarte hian a thlawnin ruihhlo an pe thin a. Zirlai naupang No.4 laka inhnamhnawih an man te hi kum 13 leh 19 inkar vel anni tlangpui a. Naupangte hian No.4 hi zuar lo mahse a thuhrukna kawngah a zuarte hi an pui thin a ni. School uniform ha rual en mai pawha ruihhlo laka fihlim tura ngaih tam takte hi No.4 ti chhin mai ni tawh lo, addict tawh te an ni hlawm niin SRS hotute chuan Zalen an hrilh a. SRS in an man khawmte chu an chhungte hrilh hriat an nih hnu ah counselling peka hawn tir leh mai thin an ni. Ruihhlo man kawnga thawktute hnen atanga thudawn danin naupang kum tling lo No. 4 ti leh zawrh kawnga in hnamhnawihte hi thingtlang lam mi Aizawl-a lehkha zirte an nih hlawm rualin Aizawl khawpui chhunga mi, chhungkaw pangngai tak tak atanga seilian te pawh an awm nual bawk a. No.4 avanga naupang an man zinga tam zawk erawh nu leh pa nei mumal lo chhungte bul emaw hostel-a awm te an nih thu SRS hotute chuan an sawi. SRS hotute chuan kum naupang tak tak kum 10 pel awrhte ruihhlo laka fihlim lo an tam ta lutuk chu chhungkua-ah inzirtirna leh inkhuahkhirhna a that tawk loh vang nia an rin thu an sawi a. Naupang thenkhat chhungkaw kehchhia atanga seiliante pawh kohhran leh khawtlang angten inzirtirna tun aia nasa a neih a tul hle nia an hriat thute an sawi. Thudawn danin r