Aizawl February 23, 2024 : Excise & Narcotics Department, Mara Thyutlia Py (MTP) leh Assam Rifles te thawkho chuan 22nd February, 2024 (Ningani) zan dar 9:30 khan Bualpui Road, Siahatla-II, Siaha-ah heroin gram 277 (Hawng 22) leh a neitu nia puh mi pathum an man.

Man te hi Bika (39) s/o Mangpeng, Salen, Thantlang District. Myanmar; Zatlungliana (42) S/o MC. Rotluangi, Sangau-IV, Lawngtlai District leh Țuankhara (56) S/o Darkiaua, Thaltlang, Lawngtlai District nia inchhalte an ni.

Heroin an phurhna lirthei, Mahindra Pick-up (Reg.no. MZ 01 U 7436) pawh hrensak an ni. Heng heroin te hi Salen, Thantlang District, Hakha, Myanmar atanga an lak, Siaha leh a chhehvela hralh tura tih mek a ni.

Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. 23rd Februatry 2024-ah Court-a hruai nghal an ni.