ZALEN September 3, 2024 : India chuan High Commissioner of New Zealand ni mek Muanpuii Saiawi chu High Commissioner to the Republic of Vanuatu ni turin nimin September 2 khan Ministry of External Affairs (MEA) chuan a ruat thar.

2005-batch Indian Foreign Service officer, Muanpuii hi Vanuatu a thawk tura tih ni mah se, New Zealand khawpui Wellington-ah a cheng zui dawn a, a hna thar hi a zawm thuai beisei a ni.

New Delhi chuan Pacific thliarkar ram nena an inkar hi tih that leh zual a duh avangin Muanpuii Saiawi hi dah a ni. India leh Vanuatu hi kawng tam takah an lo thawk dun tawh a, a bik takin healthcare, education, infrastructure, digital development leh climate resilience lamah an thawhdunna a tha hle a ni.