Aizawl: Gauhati High Court, Aizawl Bench chuan Chakma Autonomous District Council-a Futuli bial buaina chungchangah MNF candidate Sumir Tonchongya thu thlen chu a hnawl. High Court Judge Justice Nelson Sailo chuan June ni 22,2018 khan thutlukna siamin CADC inthlana Returning Officer in Sumir Tonchongya second tu Tengkhi Muni Tonchongya chu sawrkar hnathawk anih avangin MNF candidate nomination hi hnawlin Congress candidate Kali Kumar Tonchongya chu tlingah a puang a. RO thutlukna a lungawilo hian MNF candidate hi Court ah a zualko ta a ni. Chakma ADC-ah hian seat 20 awmin MNF-in MDC 8, Congress-in 7 leh BJP-in 5 an nei ta tihna a ni a, tun dinhmunah BJP-Congress intawm sawrkar a ding mek.