ZALEN October 12, 2024 : MNYF Hqrs. hruaitute chuan Vawiin hian MNF sawrkar laia sak tan High School Field, Zarkawt-a a chhawnga sak mek chu an tlawh a, hna thawh a chak bakah a that avangin lawmawm an tih thu an sawi.

He field hi Aizawl Smart City sum Vaibelchhe 16.06 hmanga a chhawnga sak mek a ni a. A chhhawng hnuaiber hi parking tur niin Car 39 leh Two wheeler 16 dah na tur niin, a dawttu pawh hi Parking tur tho niin Car 41 leh Two wheeler 29 dahna tur a ruahman tho a ni. Field ah hian phullem phah tur a ni. A field sir kual chhuaka dawhsan niin kea kal kualna siam a ni.

MNYF Hqrs. chuan Armed Veng-a 1st MAP Football Ground behchhana Field chhawng sak pawh a hmunah an en a. Field hi phullem phah zawh tawh niin a sir hnuaiah hian in chhawng 3 a awm a, Mizorama in lianber nia sawi a ni.

MNYF Hqrs chuan MNF Sawrkarin tunlai khawvel thalaite mamawh hriaa field chhawng siama Zoram tan leh a veng neitu bakah Govt High School tan pawha tangkai tur an lo ruahman chu ropui an ti bawk.