ZALEN November 18, 2025: ZALEN, Lynchpin leh School Education Department tangkawpin an huaihawt School Connect chu vawiin khan Chanmari YMA Hall-ah tan a ni a, naktuk November ni 19, 2025-ah a tawp ang a, sikul 12 an tel dawn a, School Connect chhim tura sikul naupang inziaklut zat chu 2850 an ni.

Kum tina neih thin School Connect-ah hian zirlaite hmakhua atana pawimawh sawi turin tualchhung mithiamte a chhawpchhuak thin a. Kumin theme chu 'Eizawnna atan thiamthil (skill)' tih a ni a.

Vawin hian sikul panga - JL Higher Secondary School, Republic Higher Secondary School, Govt Chaltlang Higher Secondary School, Saint Joseph Higher Secondary School leh, MICE Higher Secondary School ten an chhim.

Naktuk hian Govt. Mamawii Higher Secondary School, Mt. Carmel Higher Secondary, Greenland Higher Secondary School, Mizo Higher Secondary School, Govt. Central Higher Secondary, KM Higher Secondary leh Zemabawk Higher Secondary School ten an chhim ang.

He hunah hian mithiam bik zirlaite kawng hrang hranga kawhhmuh tur panelist mi pariatin thu an sawi dawn a ni.