Aizawl: April 2018 atanga thawh chhunzawm leh beisei CSS Hindi teacher hna chhunzawm leh chungchangah thuthar a la awm hrih lo. Zalen palaiin School Education hotute a biaknaah CSS Hindi teacher te hi an thawh chhunzawm leh theihnan sawrkar chuan tan a la reng tih an sawi a, kar kalta mai pawh khan Education Secretary chuan an hna an chhunzawm leh theih nan hian sawrkar laipui hotute a dawr tih sawi mah se tun thlengin thuthar engmah an la dawng lo niin an sawi. CSS Hindi teacher hruaitute chuan an hna an chhunzawm leh ngei theihnan hian an bei ve reng tih Zalen an hrilh a. An hna chu plan hnuaia mi niin a scheme a tawp avanga anmahni pawh tawp ve an ni tih an hriat thu sawiin scheme thar ruahman anih leh theihnan an bei niin an sawi bawk. CSS Hindi teacher te hi February 2017 atang khan an hna hi a scheme a zawh avangin an tawp a ni.