ZALEN Sept. 11, 2024; Frederick Lalrindika (Bethel Ministry) rawngbawlna, 'Siamthar lehna retreat camping' kaltlangin, HIV + in damna chang.

Hemi chungchang hi a social media-ah tarlangin, Frederick Lalrindika chuan damna chang chhungten damna an chan thu message an thawn a tarlang a ni.

Fredericka tarlan danin, damna chang hi camping a lut niin, "Damna leh Pathian siamtharna kan beisei a, kan chang bawk a...ka fanu hi tawngtaipui tura ka rawn hrilh thin che kha, thlarau damna leh HIV natna a dam bawk a...vawi 2 kan test leh tawh a engmah natna hrik an hmu tawh lo. Kan lawm em em a, Pathian hnenah lawmthu min lo sawipui dawn nia, i chungah pawh kan lawm em em a ni," tiin tarlan a ni.

Agape Camping Centre, Durtlang Leitan a 'Siamthar lehna camping' hi a chhawng thumna a kal mek a, ruahman dan chuan a tawpna tur a ni.

Camping chhawng khatna atangin campers an thahnem thin hle a, tuna camping kal mekah pawh campers sang khat dawn an awm.