ZALEN Jan 8, 2025: April 2024 aṭanga November 2025 chhunga HIV testing 1,45,525 neihah, HIV hrikpai 3,257 hmuhchhuah an ni.

Vawiina thuthar thehdarhtute a office a kawmnaah he thu hi tarlangin, Health minister Lalrinpuii chuan, HIV testna hmun ICTC hmun 43-ah neih mek a nih thu te, Mizoram sawrkarin ruihhlo ti ṭhin te enkawlna - Hulhliap Short Stay Centre-ah HIV testing neih thin a nih thu a tarlang.

Health minister tarlan danin, Hulhliap Short Stay Centre-ah mi 803 HIV test tawh niin, HIV positive 14 hmuhchhuah thar an ni a, heng mite hi ART lak tir nghal vek an ni.

Heng bakah hian Syphilis test kalpui a ni bawk a, Syphilis nei mi 23 hmuhchhuah an ni a, heng mite hi treatment pek vek an ni bawk.

Mizoram State Aids Control Society in a chhinchhiah danin, kum 1990 October atanga November 2025 thlengin Mizoramah HIV positive 33,781 hmuhchhuah an ni tawh.

#ZalenNews