Aizawl: Ministry of Health & Family Welfare chuan HIV/AIDS veiten a thlawna kum khata vawi 1 HIV Viral Load Test an tih theihna tur programme 'Viral Load Test for PLHIV', India rama HIV vei nuai 12 chuang te'n an chhawr theih tur chu tun kar kalta khan a hawng. “Hetiang khawl hi kan la nei chiah lova, AIDS tamna state Mizoramin nei thei ila kan tangkai pui khawp ang,” tiin Dr Lalchhanhima, Durtlang Hospital chuan a sawi. He programme hnuaiah hian man to taka HIV vei ten an tih thin HIV Viral Load Test, thisena HIV hrik awm zat enna chu kum khatah vawi khat tal India rama HIV vei mi nuai 12 chuang ten an neih theih nan siam a ni a. Hei hii PPP mode a kalpui tur niin company pahnih Metropolis leh Abbot kaltlanga thawn tur a ni a. India sorkarin cheng vaibelchhe 650 a seng ve bawk ang. Viral test khawl pakhat hi Rs nuai 100 man vel a ni a, tunah hian vawi khat test manah Mizoram atanga hmun danga thawn a nih hian Rs 4000/5000 bawr vel ni a thudawn a ni. Zirchiannain a tarlan danin HIV Viral load test hi ngun taka neih a nih a, enkawlna an dawn that bawk chuan HIV vei te hian an viral load a tlem lai chuan sex hmang pawhin an kawppui te an kai thei lo a. India ramah hian he khawl hman loh vang hian mi 70000 vel an thi tawh niin zirchianna chuan a tarlang bawk.&&&&