ZALEN August 28, 2025 : Mizoramah kum 2020 atanga 2025 (July thleng) chhungin HIV+ thi zat mi 2996 an awm. Hemi hun chhung vek hian HIV+ hmuhchhuah mi 11,032 an awm bawk.

Assembly session neih mek a Tuirial bialtu MLA K Laldawngliana zawhna health minister Lalrinpuiin ziaka a chhan danin, Aizawl district-ah HIV+ an tam fal hle a, mi 11,128 an awm a, Hnahthial district-ah tlem berin mi 284 an awm.

Champhai district-ah HIV+ mi 1,725 an awm a, Khawzawl district-ah 437, Kolasib district-ah 1,502, Lawngtlai district-ah 749, Lunglei district-ah 1,324, Mamit district-ah 697, Saitual district-ah 469, Serchhip district-ah 818 leh Siaha district-ah mi 704 an awm.

HIV+ te ART treatment la lai in 18,694 an awm a, treatment la lo mi 1,143 an awm bawk.

Kuni 2020 - 2025 ilikara HIV+ boral zat :

Kum HIV+ thi zat

2020 521

2021 425

2022 562

2023 632

2024 561

2025 (July thleng) 295

Total 2996

#ZalenNews