November 2, 2023; Mizote'n van ngaih hla kan nei that ber te zing a mi, 'Ṭhenna ram khawvel hrehawm ah hian...' tih hla phuahtu Ng. Lalhmangaiha (64) Sairang Dinthar chu tukin (2.11.23) dar 1:55 khan a boral.

Ng. Lalhmangaiha h/o Rothangi hi nizan ah lumen niin, vawiin chawhnu dar 1 ah a chenna Sairang Dintharah PCI pastor Rev. Thanhnuna'n a vui ang.

A hla phuah 'Thenna ram khawvel hrehawmah hian...' tih hi huho, malzai leh zaipawl angte a sak hlawh em em a ni a, Zofa tawh phawt chuan an thiam vek ang tih khawp a hla hriat lar leh sak hlawh a ni.

THENNA RAM KHAWVEL HREAWM AH HIAN

 - Ng. Lalhmangaiha

1. Thenna ram khawvel hreawm ah hian,

Tapin lungduh lenrual kan then leh thin;

Khawpui hlun rammawi kan thlen hunah Luaithli nul inthen a bang tawh ang.

Chu khawpui mawiah tlansate lenna-ah, Inkhawmpui tiak tawh ngailohna ramah;

In ka nei tahchuan chhandamtu buatsaih,

Inkhawmpui tiak tawh ngai lohna-ah.

2. Hmangaihte tapin then mah ila,

Lawmnate’n mual min liamsan mahsela;

Leiah chan tur neilo mah ila,

Khawpui hlun rammawi ka tan a awm.

3. Chhandamtu i hnen ka thlen hun chuan, Harsat mangang buaina abo tawh ang; Lungngaihna chhumte’n min chim tawh law’ng,

Khawpui hlun rammawi ka thlen hun chuan.