American singer Taylor Swift chuan 'Eras Tour' a kick-off ta a, hemi denchhen hian hla thar pali a tichhuak nghal bawk. 'Anti-Hero' singer hian Ningani khan hemi chungchang hi Instagram lamah a tarlang a, fans lam pawh an phur hle. 

A hla thar pali zinga pathum hi chu a hla recording a tih that leh ruala a record te an ni hlawm. Kum 33 mi hian album a tichhuak leh thuai mai thei niin an tarlang a, thu chiag erawh a la awm lo. 

Taylor Swift hian fan te nghahhlelh em em 'Eras Tour' chu March 18, 2023 atang khan a tan a, Glendale, Arizona-ah tour kick-off hi a nei a ni. Kum 5 chhunga tour a neih vawi khatna tur a ni a, a boruak pawh a lian rem rem hle. March atanga bul a tan hi August-ah hmawr a bawk dawn a ni.