ZALEN August 18, 2026: VB G Ram G Staff te chuan vawiin khan Rural Development & Administration Department Minister chu lehkha an thawn a, tunkar chhunga an hlawh lakna a fel hman loh chuan sum harsatna avangin August 24, 2026 atangin an hlawh lakna a fel hma loh chuan an hna thawh chhunzawm theih dawn rih loh thu an hrilh.

VB G Ram G Staff te hian RD&AD minister chu an dinhmun hre tu a nih thu an sawi a, Kum 2024 March thla atang tawhin an thawh hlawh te a hun taka lak an nei thei ta meuh lo a, thla 3/4 danah hlawh an hmu chauh thin a ni. Tunah phei chuan kumin March thla atanga vawiin thlengin an thla hlawh te chu hmu lovin an awm tih an sawi.

An tan khawsak a harsa a, thla 5 hlawh la tawh lo chungin nitin hna pangngai bakah, SIR leh Census etc. thlengin khawih tel tir an ni a. Office kaina tur leh Field-a chet chhuahna tur an neih tawh loh avangin, tunkar chhunga an hlawh lak lohte tihfel sak an nih loh chuan August 24, 2026 (Thawhtanni) atang hian VB G Ram G Staff ten an hlawh lakna a fel hma loh chuan sum harsatna avangin hna an chhunzawm thei tawh rih dawn lo tih minister hi an hriattir a ni.