ZALEN July 14, 2026 : Hlimen Local Council chuan tukin dar 10:00 vel khan Kapdaia Section, Bawngin mual kawngah bawlhlawh paih ruk tum an man a, cheng 5,000 an chawi tir.

Local Council thuchhuah tarlan danin, motor registration number MZ 01 AB 7506, Lalnunsiama, Bungkawn-a cheng khalh chuan bawlhlawh a rawn phur a, Bawngin Mual kawngah paih ruk a tum lai man a ni a.

AMC Solid Waste Management Bye-laws Rule 4.1–4.3 angin cheng 5,000 chawitir a ni a. Seizure memo pek niin, pawisa chu Aizawl Municipal Corporation (AMC) hnenah pe turin an tih thu an tarlang.

Hlimen Local Council chuan Tuikhuahtlang thlanmual piah Bawngin Mual kawngah hian bawlhlawh paih ruk a nasa hle a, mipui ten hetiang phur kan hmuh chuan Local Council te hnenah a rang lama bengvar ṭhin turin kan in ngen e an ti.