Mizo gospel singer tha berte zinga mi pahnih Hlimhlimi leh Bethsy Lalrinsangi te 'duet' ngaithla chak lo kan awm kher awm lo e, anni pahnih hian hla thar an tichhuak e. An hla thar hi 'Thisen Vangin' tih a ni a, Hlimhlimi YouTube channel-ah en theihin a awm. 

'Thisen Vangin' tih hla hi sap hla atanga lehlin niin, a letlingtu chu Hlimhlimi a ni. Hlimhlimi hian sap hla eng emaw zat a lo letling tawh a, chung zingah chuan 'Thian Rinawm' pawh a tel. 'Thian Rinawm' hla hi a larin sakpui a nuam a, Zoram a dengchhuak hneh hle a nih kha. 

Tun tuma Besthsy-i nena an hla pawh hi sakpui nuam tak a ni leh a, an zaithiamin beng an titlai hle. Recording hi HC Recording Studio, Venghnuai kutchhuak a ni a, video hmuhnawm tak hi Moonshine Studio kutchhuak a ni leh bawk. Moonshine Studio kutchhuak ten belhchian a dawl thin a, tun tuma mi pawh hi a tha leh pek hle. 

A mawi leh nalh zia sawi duah loin en la ngaithla ve rawh le.