April 1, 2024; Aizawl khawpui chhungah city bus service 140 a awm mek a, chungah chuan hmeichhe conductor an awm nual tawh a, ACBOA chhinchhiah chin pawh mi 28 an tling tawh.

Aizawl City Bus Owner Association (ACBOA) office atanga ZALEN thudawn danin, an chhinchhiah chin ah hmeichhe city bus conductor hi tunhnai deuh atangin an pung a, tun a an chhinchhiah chin chu mi 28 an ni.

Mizo hmeichhiate zinga Aizawl city bus conductor hmasa ber (conductor license nei) chu Nl. Vangsangkimi d/o R. Lalfaka (L) Lawipu niin, Aizawl City Bus Owners Association pawhin chawimawina an lo hlan tawh.

Eizawnna kawngah mi taima tan chuan hnathawh tur a tam a, tunlai ah chuan Mizo hmeichhiate'n mipa te thawh tur chauh nia ngaih hna tam tak an thawk chho mek, mipa te ang thoin kawng tam takah theihna leh thiamna pawh an nei tih an lantir mek zel niin a lang.