Abu Dhabi-a Women’s T20 World Cup Qualifier-a an chakna hmasa ber turin Ireland chuan United States of America chu wicket 9 zetin an hneh. 

USA hian over 20 chhungin run 91 siamin an out vek a, captain Sindhu Sriharsha (25) leh Disha Dhingra (23) te pahnih inkawp chuan run 44 an siam. Ireland tan Eimear Richardson leh Arlene Kelly te chuan wicket hnih ve ve an la bawk.

Opener Amy Hunter (43) leh Gaby Lewis te pahnih chuan run 44 siamin an target run 91 chu khumin Ireland lam hian ball 29 hmachhawn tur an la nei chungin run 92 an siam a, wicket pakhat chiah an hloh bawk. 

Ireland hian nakkum World Cup khel turin zinkawng an zawh mek a, Pathianni khan Bangladesh lakah run 14 zetin an tlawm tawh thung.
 
Irish hian Group A match hnuhnung berah Abu Dhabi-ah Scotland an hmachhawn dawn a, chu match-a chak zawk chuan semi-final-a a lut ang. Hemi ni vek hian Bangladesh leh USA ten an khel ve dawn bawk a, a chak lo zawk zawk an tla ang. 

Team pariat awmna Qualifier aṭangin a sang team hnih ten South Africa an pan thei dawn a ni.