DOWNLOAD OUR APP

Read latest news on your phone
app-store

Hmeichhe tana nitina in tur thingpui tha 5

Jun 23, 2022

A bikin mipa ho aiin hmeichhe te tan hian hrisel tak leh thatho taka awm hi a pawimawh leh zual bik emaw tih turin inchhungkhurah hian an tangkai a, mipa khawih peih loh leh thiam loh tam tak an khawih tel thin avangin, an mimal hna piah lamah inchhung khawsak rel kawngah an tangkai em em a, chuvangin thlabi thi neih lai pawhin chhungkaw tana an pawimawhna hlen chhuah a ngai fo thin.

A bikin mipa ho aiin hmeichhe te tan hian hrisel tak leh thatho taka awm hi a pawimawh leh zual bik emaw tih turin inchhungkhurah hian an tangkai a, mipa khawih peih loh leh thiam loh tam tak an khawih tel thin avangin, an mimal hna piah lamah inchhung khawsak rel kawngah an tangkai em em a, chuvangin thlabi thi neih lai pawhin chhungkaw tana an pawimawhna hlen chhuah a ngai fo thin. Hei vang hian hrisel taka an awm theihna turin an taksa hriselna an ngaihpawimawh zual a ngai a, chumi kawnga pui thei thil pakhat tih hahthlak lo tak chu thingpui in thin a ni. Mahse, thingpui-ah pawh in an tana tha tur bik a awm hrang leh zel a, in bih chiang dawn chhin teh ang.   

Hmeichhia te tana thingpui tha bik 5 te chu:

Chamomile tea
Chamomile thingpui in thin hian premenstrual symptoms (thi neih dawna taksa leh rilru lama harsatna) ang chi, taksa sil them thum, lu na, mood fuh loh leh a dang tam tak lakah a pui thei a ni. Chamomile thingpui hian taksa a tih dam sawng sawng theih bakah nerve thlengin a chawlh hahdam tir thei a, phurna a siam theih bakah pangti sil them thum thlengin a chhawk thei. 

​Ginger tea
Ginger (sawhthing) thingpui nitin-a in hian phurna reh tur leh pangti sil bakah chauh ngawih ngawihna thlengin a chhawk thei. Sawhthing hi damdawi chi hrang hrang atan an hman thin bakah chaw ei kham a in atan te pawh an hmang fo thin a, chu chuan kan thil ei pai tawih kawngah leh taksa rihna tih hniamna kawngah a pui thei. Tin, he thingpui hi na chhawkna a tan pawh a hman thei a ni. Ginger tea hian hrawk na te, khawsik te, rai laia thil ngei leh luak chhuak te leh lu na thlengin a ti kiangthei a ni. A tawp berah chuan, hmeichhe sam tla thin ti to tha leh tur atan ginger tea hi a tha viau bawk. 

Mint tea
Mint tea emaw Peppermint tea hi hmeichhe tan a tha em em a, antioxidant a pai tam avangin tha chat tur te a veng thei a, tha tawm tur leh nerve na tidamtu tha tak a ni thei. Chu bakah chuan hetiang thingpui in hian allergy lakah a veng theih bawk. A bik takin rai laia zing lama harsatna an tawh thin lakah a pui nasa hle. 

Black tea
Thingpui zingah chuan kan in tam ber a ni awm e. Black tea-ah hian caffeine a tam avangin rang takin kan thahrui a tichak thei. Chini tel lova black tea kan in hian thisen sang lakah min pui thei bawk. Pum nuam lo, blood pressure sang thut lakah black tea hian a veng thei a, nipui lai a black tea vawt in hian kawtha lo lakah a veng thei bawk.

​Green tea
Nitin vawi hnih tal green tea in hian lan upat na tur lakah min veng ve thei a, a chhan chu antioxidant pai tam catechin a awm tel vang a ni. Green tea hian kan taksaa tur hnathawh awm tur a tifai thei a, stress a tihniam thei a, rilru hah leh buaina te a tih kian bakah cell chhe tur a veng bawk. Green tea hian digestion a pui a, chu chuan kan taksa rihna inthlak danglam thut thut tur a veng thin. 

Share now