ZALEN December 15, 2024 : Mizorama kumin thla kaw chhunga nau piangah hmeichhia aiin mipa an tam zawk a, mitthi chhinchhiahah erawh mipa an tam zawk.

Economics & Statistics department chhinchhiah danin kumin January atanga September inkar chhungin Mizoramah nau piang 15,617 an awm a, chung zinga 8,033 chu mipa niin hmeichhia 7,584 an awm a, hmeichhia aia nau piang mipa tamna 449 a ni.

Nau piangah hmeichhia aia mipa an tam zawk lai hian mitthi chhinchhiahah pawh mipa an tam zawk a, kumin thla kaw chhung khan mitthi chhinchhiah mipa 3,868 an awm laiin, hmeichhia 2,255 an awm a. Hmeichhia aia mipa tam zawkna 1,613 a tling.

Kumin January thla khan nau piang mipa 1,068 leh hmeichhia 1,006, an vaiin nau piang chhinchhiah 2,074 an awm a, hei hi kumin thla kaw chhunga naupiang tam ber thla a ni.

Nau piang leh mitthi awm tlem ber thla chu February niin nau piang chhinchhiah mipa 677 leh hmeichhia 660, an vaiin 1,337 an awm a. Mitthi chhinchhiah mipa 435 leh hmeichhia 231, an vaiin 666 an awm.

Nau piang

Mipa     - 8,033

Hmeichhia   - 7,584

Total Birth   - 15,617

Mitthi

Male   - 3,868

Female    - 2,255

Total    - 6,123