ZALEN November 20, 2024 : Centre for Environment and Social Justice (CESJ) Mizoram te chuan Mizo Society a thleng tura an duh loh ber hmeichhe awm nem zawk hmeithai a In atanga hnuk chhuak a, In thiah sak a nih chungchangah vawiin khan Seling-ah hma an la nghal, In thiahsaktuten dan an bawhchhia an ti.

CESJ chuan, "Hmeithai tap thawmin Mizoram mipui a Au eih a, kan hriat rualin Vawiin November 20, 2024 hian kan Working Chairman Vanramchhuangi (Ruatfela Nu), General Secretary VL. Thlamuanpuia (@mizoram_au_aw) bakah kan Adviser Dr. Vanramliana (PUC) te bakah member dangte kan kal nghal a. Seling NGO/VC te nên VC House-ah meeting kan nei nghal a ni," an ti.

Centre for Environment and Social Justice chuan he thil thlenga inhnamhnawih, In thiah sak anihna tura Order petute thlengin dan palzûttu an ni an ti. In thiahna Order an dil pawha Seling khaw mipui NGO te hmaa Order copy pêk tur pawh neilo chunga In thiattu te chu dan anga hremna na tak an hmuh ngeih theihna tûrin na takin hma an la ngei dawn tih Mizoram mipuite an hriattîr. He thila inhnamhnawihte hian dan an bawhchhiatna a len avangin Court sang zawk beng a thlen theih nân hma an lak ngei tur thu an sawi.