October 17, 2023; Nimin, October 16, 2023 khan Champhai District-ah hmun hnihah Methamphetamine tam tham tak man a ni.

Nimin, October 16, 2023 tlai dar 3:40 khan Zokhawthar PS Team chuan Random Checking an nei a. Zokhawthar Immigration Check Post-ah Methamphetamine Tablet 70,000, Kg. 7-a rit, tualchhung rate-a Rs.17,525,000/- man hu, 610 Truck var, Reg. No. MZ04-A/4629-a sarang dum pasarih chhunga sachet anga uluk taka pack chu Thangtinkap (40) s/o Ngindova, Leisenzo khua, Champhai District hnen atangin an man.

A neitu hi man niin, dan anga hma lak leh chhui chhunzawm turin Zokhawthar PS C/No.28/2023 dt.16.10.2023 u/s 22 (c)/25/29 ND&PS Act ziah luh a ni.

Hei bakah hian Zokhawthar PS leh 42 Assam Rifles te tangkawp chuan nimin October 16, 2023 vek khan Tiau luiah joint operation neiin, tlai dar 5:30 khan Methamphetamine tablet 1,71,700, Kg. 17-a rit, tualchhung rate-a Rs. 42,925,000/- man hu chu Laldinlian (34) S/o Vanlalhlira, Zokhawthar, Taitesena Section hnen atangin an man bawk.

A neitu hi man niin, dan anga hma lak leh chhui chhunzawm turin Zokhawthar PS C/No.29/2023 dt.16.10.2023 u/s 22 (c) ND&PS Act ziah luh a ni.

Thu zawh fiahna atangin heng ruihhlo te hi Myanmar lam atanga lak luh a ni tih hriat a ni a. A kal zelna tur (forward linkages) pawh hriat tuma thu zawh fiah leh chhui zui mek zel a ni