Shillong, Meghalaya-a hna nei lo tam lutuk duh lohna lantirnaa kawng zawhnaah tharum thawhna a thleng a, mi eng emaw zatin hliam an tuar.

Federation of Khasi Jaintia & Garo People (FKJGP)-in an state-a hna thawk rual, hna nei lo tam lutuk duh lova sorkar hma la tura nawr nana kawng zawh an huaihawta buaina chhuakah hian chanchinbumite pawhin hliam an tuar.

Video thehdarhah chuan kawng zawhtute zinga thenkhatin mi an um a, flag tarna tiangin an vua tih a lang thei.

Kawng zawh hi Meghalaya-a hna nei lo pung chak lutuka dodalna leh miin hna an zawn uar theih nana tih a ni.

Motphran atanga Fire Brigade Ground, Laitumkhrah thlenga kawng zawhah hian thalai tel an tam hle a, an au rual a, flag leh banner lian tak tak an keng.

FKJGP President Dundee Khongsit chuan thalaite chu eng khawtlang tan pawh hma lam innghahna a ni a, tunah an mangang a, an thiam leh theihna angah hna an hmu thei lo chu an mangang tih a sawi.