Aizawl; Mizoram Pick-Up Owners & Drivers Association, Joint Action Committee (JAC) chuan hnam dang pick -up khalh an awm leh awm loh an la endik chhunzawm zel.

Thuchhuah an siamah JAC chuan ram leh hnam tan a mi in pe tak tak ramchhungah an tam tih tar langin, tuna an hmalak mekna chuan ram leh hnam humhalh kawngah rah tha a chhuah ngei an ring tih an tar lang.

Kawng hrang hranga ram leh hnam humhalh tura ke pen chu tih makmawhah an ngai tih tar lang bawkin JAC chuan, “Kan ram, kan hnam hi sahthlaksak kan ni mek a, a hnam ang zawng pawha chimral min chak em emtu hnam hnam dangin min hual vel a, chu chu kan venghim lo a nih chuan min venhimsak tur mi dang an awm chuang lo,” an ti.

Mizoram Pick-up Drivers & Owners Association JAC ten an kuang china hma an lak mekna chu tawiawm zel turin Mizo mipuite an sawm tih an thuchhuahah chuan an tar lang a, an hmalak mekna vangin driver atana hnam dang chhawr thinte pawhin Mizo an chhawr mek zel niin an tar lang bawk.