Aizawl July 15, 2022 : Mizoram Planning Board Vice Chairman H. Rammawi, Ex Minister chuan," MNF chu ram neitu thinlung pu chunga hma la thin party a ni a. A neitu thinlung pu chunga ramhruai hna thawk thin te zarah ram mipuiten hlawkna an tel thin a, ramin hma a sawn thin," a ti. 

Mizo Hnam Run chhung inkhawm neih a hmanpui naah MNF Adviser chuan, "SEDP hnuaiah pilot project-ah chhungkaw singthum sanghnih zasarih leh sawmnga paruk hnenah bultanna pek tawh a ni a. Kumin chhungin, chhungkaw singruk chuang-ah, cheng 50000/- zela pek hman tuma hmalak mek a ni," a ti a. MNF party chu vision neitha a ni a, kum 2020 atangin Aizawl khawpui chhungah ropeway siam tura hmalak a ni a, company te nena inremna siam vek tawh niin, ground survey neih mek a ni, a ti. Budget-a sum hmuh tarlang kim duhloa MNF sawrkar puhtu party te hian, budget kalphung an hriat loh vang a ni a, leiba chungchanga MNF sawrkar puhtu te hi sawrkar ve ta se, leibatna tur zawnga virbuai nasa ber tur an ni ang, a ti bawk.