ZALEN, Aug. 8, 2024; Kum 105 mi, Lalauva chu taksa bawrhsawmna hrang hrang vangin a borala, amah duh dan ang ngeiin, a khaw chhuahna North Vanlaiphai-ah vuiliam a ni.

North Vanlaiphai branch YMA hruaitute hnen atanga ZALEN thudawn danin, Lalauva hi kum 2010 hmalam deuh khan Aizawlah a pem tawha, Ramhlun Venglaiah inbeng belin, nimin (7.8.24) khan a boral a ni.

A damlaia a duh dan ang ngeiin a ruang hi nimin khan an khua North Vanlaiphai panpui a ni a, nizan khan tlaivarpui niin, vawiin (8.7.24) chhun khan vui a ni.

Mizote mai nilo, khawvelin kum upa te hi 'hnam rohlu' a a pawmte an nia, ngaihhlut an hlawha, ngaihsan leh zah pawh an kai thin. Kum hei chen dam Lalauva hi Mizote tan pawh hmam rohlu a nia, a boral ta pawh hi Mizo hnam tan channa a ni.

(A kalsan a chhung leh khat zawng zawngte Pathian thlamuanna an chan ZALEN chuan kan duhsak e.)