Parliamentary Secretary Joseph Lalhimpuia chuan nizan hmasa khan Lunglei Electric Veng YMA ian kumin HSLC & HSSLC Examination-a zirlai hlawhtlingte chawimawina hun Electric Veng Community Hall-a neih a hmanpui. Zirlaite tithate chawimawina inkhawm hi Electric Veng YMA Education & Literature Sub-committee Chairman Tv C. Lalpianthanga chuan a kaihruai a. Khuallian Pu Joseph Lalhimpuia chuan zirlaite fuihna thu sawiin, “Mizo hnam siamtha tura thil pawimawh ber chu zirna a ni a, khawtlang leh veng chhung hmasawnna leh ropuina pawh thiamna leh zirnaah a innghat a ni,” a ti. Zirna chu khawtlang hruaitute leh tlawmngai pawlte pawhin ngai pawimawh theuh tura a duh thu a sawi a. Mahima chuan Mizote vanneihna chu Sap missionary-ten ziak leh chhiar min zirtir kha niin a sawi a, thalaite vanneihna ve thung chu India ram inrelbawlna felfai tak hnuaiah zirna chawisan a nih zel leh zirlaite tan hamthatna hrang hrang sorkarin a ruahman thin hi nia a ngaihthu a sawi bawk.