ZALEN Sept.17, 2024; Mizo hmeichhe chunga mawi lo taka chetna thleng vangin, Leitan Ramthar (Aizawl) Local Council huam chhungah tiamchin awm loin, hnamdang (vai mistiri/helper) hnathawh phal loh a ni.

YMA Leitan Ramthar Branch-in thuchhuah an siama an tarlan danin, an veng huam chhungah hnamdang miin Mizo hmeichhe chungah mawilo taka a chetna chu, YMA.Leitan Ramthar Branch chuan a ngai thiamlo takzet a, hetiang mi man chhuak tur hian theihtawp a chhuaha, a chhuah zel bawk dawn .

"Hetianga kan tuallai ngeia hnamdang mi in kan mizo hmeichhiate chunga hlei an len hi kan duh lovin kan lungawi theilo a ni tih lantir nan, YMA Leitan Ramthar Branch leh All NGO's Emergency Comt- chuan, Hnamdang (vai mistiri & helper) mi, Leitan Ramthar Local Council area ah, tiamchin awm lova hnathawh phal loh a ni," tiin an tarlang.

An branch YMA hruaitute hnen atanga ZALEN thudawn danin, he thil hi kar kalta Zirtawpni (13.9.24) a thleng a ni a, an thuchhuah hi an veng chhunga hnamdang-ten an zawm tha hle a, pawi khawihtu pawh man chhuah ngei an inbeisei tih an sawi.