Aizawl:  Hmarchhak state khawpui pangate chawikan hna kal mek a thawh that avangin SIPMIU chuan a vaia ruahman lawk Rs.Vbc 330 let aia tam Rs Vbc 700.66 a hmuh phah niin Zalen-in document a dilchhuahah chuan tarlan a ni a. State Investment Program Management and Implementation Unit (SIPMIU) hi Development & Poverty Alleviation Department (UD&PA) GoM hnuaia awm niin India ram khawpui dang te anga ham thatna leh chanvo nei thei tur a rua-hmanna  hna a thawh that avang hian state 3 dang chanpual chu pek a ni nghe nghe a ni. NE States 3 dang chanpual Aizawl tana pek a nih dan sawifiah tura ZALEN-in Er. Valbuanga, Program Director, SIPMIU, Aizawl zawhna a zawh chhangin, “He program/Projects atan hian North Eastern State khawpui 5 - Agartala, Aizawl, Gangtok, Kohima leh Shillong te chu thlan bik an ni a. A hun hmaa Project-1 zawh a nih hman avang leh Project-2 pawh 30% aia tam zawh tawh a nih avangin, Project-3 a sum hmuh tur atan hian Aizawl leh Agartala te tan chauh thlan an ni ta a. State 3 chanpual atang hian hmun thuma thena hmuh hnih vel dawn chu Aizawla khawpui hmasawnna nan hian chan a ni ta a ni,” tiin a sawi. Asian Development Bank (ADB) atanga a tira Rs. 330 Cr hmu tura ruahman chu tunah Rs. 700.66 Cr niin a tira Program/Projects thawh zawh hun tura ruahman lawk June, 2016 pawh June, 2018  thleng pawh sei a nih thudawn a ni bawk.