ZALEN May 13, 2026: Nitin inhlawhfa thiinte leh a chhawrtu tur indawr tawnnna tur atan duan Mizoram Labour Link chu vawiin khan LESDE Minister Lalnghinglova Hmar chuan Google playstore leh Apple store atanga dowload theih turin a tlangzarh.

He application hi a hmangtu in awlsam taka an hman theih tura duan a ni a, hna zawngtute leh a chhawrtute'n awlsam takin an smartphone kaltlangin direct service an hmu thei dawn a ni.

Mizoram Labour Link application hi hna zawnglai leh a chhawr theitu tur inziahluh theihna a ni a, hna tarchhuah theihna leh dil theihna a ni a. SMS leh Push Notification hmanga in hriattir theihna a ni a, hna zawngtu leh hnathawh tur neitu inbiakpawh theih a ni. Awmna hmun a zir leh thim thil bik-a zir a hna zawnna leh tarlanna tur a ni.

He Link hi nitin a inhlawhfa thin ten hna an zawn/hmuh theihna tur leh hamthatna an dawn theih angte an hriat theihna tura duan niin hmun kilkhawr ber bera awmte tan pawha awlsam taka an hman tangkai theih tura duan a ni.