Hnatlang lo runna ti to awmAizawl Municipal Corporation (AMC) hnuaiah Aizawl veng hrang hrang Local Council-te chu enkawl an ni a. AMC Dan leh dun te chu Local Council te hian zawm tur an nih laiin, Local Council-in hnatlanga a kohah hnatlang phatna Rs. 50 leh hnatlang lo runna Rs. 100 tih chu veng \henkhatah phatna Rs.100 leh Runna Rs. 200 la an awm nia thudawn a ni a. Tuna dan hman mek hnatlang phatna Rs. 50 leh hnatlang runna Rs. 100 hi The Mizoram Municipalities (Ward committee & Local Council) Rules, 2010, Rule No. 29 in thuneihna a pek anga Board of Councillors-in ni 30.4.2012-a an \hut khawm \uma an thu tlukna a ni. Hetih rual hian The Mizoram Municipalities, Ward Committee and Local Council Rules, 2010 (As amended in 2015) Chapter IV- a tarlan dan chuan, “Local Council chuan an huam chhungah mipuite ham\hatna leh hmakhua tur a nih phawt chuan tihluihna pawhin hnatlang a ko thei ang,” tih a ni a. “Chhung tin aiawha hnatlang turte chu kum 18 aia naupang an ni tur a ni lo a; tin, kum 60 chin chung lam tawh phawt chu hnatlangah hian awl tur an ni,” tih a ni. Hnatlang phatna leh runna chungchangah hian Dr.H.Lalthlangliana, Commissioner, AMC chuan, AMC Dan ding lai anga kal lo Local Council an awm a nih chuan an hnena report ngam turin mipuite a ngen a, an chungah action lak theih a nih thu a sawi.