India chhulchhuak Priyanka Chopra chuan Hollywood-ah inlanna hun remchang a nei leh dawn a, American actor Anthony Mackie nen an changdun dawn. 

Priyanka hi The Matrix Resurrections-ah pawh khan a lo inlan tawh a, Kevin Sullivan-a action film siam leh tur 'Ending Things' ah a inlan turin hun remchang a nei leh ta. Hetih rual hian tun hnai khan Nick Jonas nen an fa hmasa ber chu surrogate hmangin an nei a, a buai chho leh zual ngei ang. 

A film channa thriller series 'Citadel' erawh shooting an zo thawkhat tawh a, inlanna tur dang a la nei cheu bawk - Text For You-ah a inlan leh dawn.Hei bakah hian Priyanka hian film produce tur a nei a, Bollywood lamah - Alia Bhatt leh Katrina Kaif te nen 'Jee Le Zara' ah an changho dawn bawk. 

Hollywood lama a chanpui tur Anthony Mackie hi Marvel movie lar ber ber - Captain America: The Winter Soldier, Ant-Man, Captain America : Civil War, Avengers: Infinity War leh Avengers: Endgame-ahte a lo inlan tawh a, Priyanka Chopra tan pawh a kianga film chan chu a phurawm khawp ang le.