Hollywood khawvel-ah chuan kawng tam takah  nun hi a buaithlakin a hahthlak thin hle a, lemchan thiam tam tak chuan thuk zawka film industry an luhchilh theihna tur a nih chuan tih hreh an nei lo ni hialin an sawi. 

Mahse chutiang mi chu an ni vek lo thung a, Hollywood milar thenkhat hi chu rintlak, rinawm leh an mihring pui te tana mi tangkai tak tak an ni ve bawk. Mi tam tak buaina scandal lian tak takah an buai lo va, thil sual rapthlak tak tak thleng thinah te pawh an inrawlh ve ngai lo. Mi tam tak chu Hollywood-a an zuan luh atanga mi rintlak tak leh en tawn tlak khawpa hming chher an awm nual. 

Hollywood star zinga mi rintlak ber ber an thlan chhuah te kan han tar lang a, heng movie star 5 an thlan chhuah te hi i pawm pui em?

5 Tom Hanks

Tom Hanks hi hollywood pa ngainatawm ber pakhat nia sawi a ni. Dwayne ‘The Rock’ Johnson meuh pawhin,"Kan star ropui hian tun aia fak leh chawimawi hi a phu zawk a ni" a ti hial a ni. Kum 2019 khan US Weekly-in Tom Hanks hi ‘Hollywood’s nicest guy’ tih hming lem an phuah sak hial a ni. 

A film cham thiam em vanga chawimawina tam tak dawng tawh, Oscar guy an tih hial thin Tom Hanks hian Hollywood movie hlawhtling tak tak a chang nual tawh a, chung zingah chuan Splash, Big, Forrest Gump, Apollo 13 leh Toy Story te a chang tawh a ni. 

4 Hugh Jackman

Hugh Jackman pawh hi a mifel tak a ni a, a nupui Deborah Lee Furness-i nen hian kum tam tak an innei tawh a, uire-na leh bumna lakah a fihlim bakah nungchang mawi lo zawnga sawi turin a awm ngai lo. Actor, pasal leh pa a nihnaah sawisel tur awm lo, mihring ṭha famkim ti hial a sawi a ni thin. Mi thawkrim tak a nih bakah discipline nei tha leh thilphal tak a ni.

Australian actor Hugh Jackman hi X-Men film franchise-a Wolverine lemchang kha a ni a, The Prestige leh Les Misérables bakah film eng emaw zat a chang tawh a ni. 

3 Robin Williams

Fiamthu thiam Robin Williams hi khawvel milar zingah chuan mi ngilnei berte zinga mi a ni a, mi ngilneih tak a nih zia chu a chanchin ziahna thu 31 zet ziahna a awm a ni. Robin Williams hi a rintlak piah lamah mi inngaitlawm em em mai a ni bawk.

Actor leh comedian Robin Williams hi A film chan Mrs. Doubtfire, Good Will Hunting leh Dead Poets Society a chan te chu film hriat hlawh tak an ni.

2 Morgan Freeman

Freeman-ah hi actor ropui tak a ni satliah lo va, pa ropui leh rintlak tak a nih bakah lainatna ngah tak a ni. Khawtlang buaina leh harsatna sutkian duh leh thil tha leh dik duh mi a ni. 

Actor Morgan Freeman hi movies hrang hrang; Driving Miss Daisy, Glory, The Shawshank Redemption leh The Dark Knight Trilogy-ah te inlan tawhin heng bakah hian film lar lar tak tak a chang nual tawh a ni.

1 Keanu Reeves

Actor lar leh film chang thiam tak a nih piah lamah hian Keanu Reeves hi mi tha leh rintlak tak a ni bawk. A thil tha tih leh ngilneihna lan tir tam zingah, a ruka naupang damlo kana sum tha hnem tak tak a pek lawih lawih thin te chu mi rilru hnehtu langsar a ni. 

Actor Keanu Reeves hian movie hrang hrang a chang nual a, chung zinga hriat hlawh zual te chu; Bill and Ted’s Excellent Adventure, Speed, The Matrix leh John Wick te an ni.