October 26, 2023; Lalthlamuani w/o PC. Zoramsangliana (L), Kanan Veng, Aizawl chuan Holy Bible vawi 8 a ziak chhuak tawh.

ZALEN in a biakna ah Pi Muani chuan Holy Bible a ziah chhuah tan kum a rei deuh tawh avangin a hre thei tawh mai lo tih a sawi a, kum 2017 atangin tih tak takin a ziak niin a sawi.

Pi Muani hian October ni 18, 2023 khan a vawi 8 nan a ziak zo leh a, tunah hian a vawi 9 na tur a ziak tan leh mek.

Tunhma chuan register bu lian ah a ziak thin a, tunah chuan naupang exercise book ah ziakin, a ziah hnuhnun berah ni 155 chhung ziah nan hun a hmang a, a tlangpuiin pen 30 atanga 40 a hmang thin.

"Khawvelah ka tu leh fate tan rochun tur engmah ka nei lo tih ka in hria a, ka awm loh hnuah ka nu, ka pi chu Bible ngaina mi a ni tiin min rawn hria se ka duh a, ka hriselna in a zir chuan ziah zel a tum," tiin Bible a ziah chhuah chhan Pi Muani chuan a sawi.