ZALEN, December 31, 2024; Krismas leh Kumthar vuakveta halpuah hal khap tihlawhtling tura duty te tlawhin Home Minister K Sapdanga hovin Aizawl khawpui fan a ni a, zanin dar 9 khan Aizawl Police Station ah inhmukhawmin CYMA office ah hun tawi hman a ni.

Professor Malsawmliana, General Secretary chuan report pein Aizawl Central Branch hmalaknain Home Minister, DC leh Police lam chu September khan Dawrpui Multipurpose Hall ah an lo thutkhawm tawh tih a sawi a.

"Kum tin hian Kohhran leh CYMA in Kumthar vuatvetah halpuah leh halmawi hal lo turin hma a lo la tawh thin a, Sawrkar pawhin a lo hal lo turin a lo ti tawh thin a. Kuminah pawh kan Kohhran leh YMA te duhdan tih hlawhtling turin kan police te pawhin theihtawp an chhuah a.

Media lam atangin thurawn kan dawng nasa a kan lawm hle bawk a, theihtawp chhuahtute chungah lawmthu ka sawi bawk a ni,' tiin a sawi bawk.

Aizawl Police station hun tawi hmannaah, "Hal luite chu man an nih nghal loh pawhin drone atanga chhui zelin Kumthar hnuah pawh police lam atangin lehkha an dawng ang," tiin C Lalthanmawia, DIG Northern Range chuan a sawi bawk.

CYMA office atang hian tlawh tur hmun insemin khawpui duty fan hi chhunzawm a ni.