Aizawl: Tourism Minister John Rotluangliana chuan Zirtawp zan khan Rajivnagar khuaah Chakma te Kut Bizu Festival chu khuallian niin a hmanpui. Thu sawiin Minister chuan Chakma hnam ten festival an hmang thei chu lawmawm a tih thu leh chhunzawm zel tura a duh thu a sawi. Thu sawitu dang Lalhmansanga, Deputy Director, Tourism Department pawhin Tourism Home Stay kalpui mekah Tuipuibari, Rajivnagar I & II, Damparengpui, Dampa, Zodin leh Hruaitluang khuate thlan an nih thu sawiin tuna Bizu Festival hmang mikhualte tha taka an lo dawnsawn anga Tourist chi hrang hrang lo thlen hunah pawh lo dawngsawng turin a chah. Bizu Festival-ah hian Mamit District chhunga Chakma khua hrang hrang, Rajivnagar I&II bakah Khantlang, Andermanik, Belkhai khuate atangin mipui thahnem tak an fuankhawm a ni.