Nagaland Tourism Department buatsaih Hornbill Festival chu December 1-10 chhung khan Naga Heritage Village, Kisama-ah neih a ni a, he hunah hian Mizo influencer mi pathum an tel. Mizoram atanga kalte hi - Nunui Rualhleng, Zirsangpuii leh Papuia Pachuau te an ni a, Meta ten an sawm anga kal an ni. 

Meta hian Hornbill Festival-a kal tur hian hmarchhak atangin thalaite zinga huhang nei lian tak tak mi 25 an thlang chhuak a, Mizoram atang pawhin heng mi pathumte hi an tel. Meta chuan heng mi 25 te kal man, thlen man leh ei leh in zawng zawng hi a tum sak. Mizo influencer te hian Miss India Nagaland 2018

 leh Mister International 2012 te nen hun hlimawm tak an hmangho a ni. 

Hornbill festival hian ngaihhlut a hlawh thin hle a, khawvel hmun hrang hrangin mi sing tel an fuan khawm thin a ni. Kumin bikah hian Nagaland sawrkar chuan - US, Colombia leh Germany te a thawhpui a, festival hlawhtling tak an buatsaih a ni. He festival-ah hian hnam lam leh zai chi hrang hrang bakah, intihhlimna hun hman a ni - hnam zia rang pho chhuahna hun hlu tak a ni. Prime Minister Narendra Modi pawhin he festival hi a lo chhim ve tawh a ni.