ZALEN May 31, 2024 : Vawiin zinga Hortoki a ruang chhar chu Hlimen/Melthum lama ruang la hmuh loh chhungten an nau ruang a ni lo tih an confirm hnuah Aibawk lama ruang zawn lai Vanlalruali Kum 34 w/o Mathew Lalchhanhima pianpui unaunu leh unaupa ten ruang dahna Kawnpui PHC ah ruang chhar hi enfiahin an unaunu ngei a ni tih an nemnghet.

SDO (Civil) Kawnpui leh Kawnpui PS lam ten lehkha tihfel ngaite tifelin an khua Aibawk panpui zui nghal a ni ang.

Aibawk atanga YMA hruaitute leh an chhungte lam kal hi an khaw kawng a la tlang mai loh avangin CYMA motora va hruai a ni a. Tin, a ruang phurh nan hian Ramhlun North Branch YMA ten an pick up (Morgue Van) an rawn thawh chhuahpui hmangin Pi Vanlalruali ruang hi rawn phurh a ni ang.