ZALEN Dec. 18. 2024; Mizoram sawrkarin Lunglei High Powered Committee thiah a tum nia an hriat vangin Non Government Organisation Co-ordination Committee, Lunglei chuan naktuk (19.12.2024) chawhma dar 10:30 hian YMA Sub.Hqrs. office-ah thutkhawm an ko.

Non Government Organisation Co-ordination Committee Secretary Zothanzuala Hnamte meeting kohna in a tarlan danin High Powered Committee, Lunglei tih tawp chungchang chu agenda-ah hian dah a ni a. Lunglei-a tlawmngai pawl hrang hrang Mizo Upa Pawl, Mizo Hmeichhe Insuihkhawm Pawl, Mizo Zirlai Pawl, Mizo Students' Union, Chhimbial Chhantu leh YMA Sub.Hqrs. a office bearers zawng zawngte chu tel vek turin an ngenin an hriattir a ni.

Thudawn danin December ni 20, 2024 (Zirtawpni) a Council of Minister Meeting thu ngaihtuah tur zingah Lunglei High Powered Committee (HPC) thiah chungchang hi a tel nia sawi a ni.